იურიდიული ფირმა BLC წარმოადგენს კლიენტების ინტერესებს რთულ ადგილობრივ და საერთაშორისო დავებში. კომპანია მაღალი დონის უფლებრივ დაცვას, რისკების სტრატეგიულ მართვასა და დავების პრევენციის მექანიზმებს უთავსებს. ფირმის სასამართლო და საარბიტრაჟო პრაქტიკა მოიცავს საქმისწარმოებას საქართველოს საერთო სასამართლოებში, საერთაშორისო და ადგილობრივ კომერციულ არბიტრაჟებში, საინვესტიციო არბიტრაჟში, ასევე მედიაციასა და დავების მოლაპარაკების გზით მოგვარებას.
წამყვანი საერთაშორისო იურიდიული ცნობარების მიერ აღიარებულ BLC-ს აქვს მრავალმხრივი გამოცდილება კლიენტების ინტერესების დასაცავად რეზონანსულ და კომპლექსურ საქმეებზე საქართველოს სასამართლოებში, საარბიტრაჟო ტრიბუნალებსა და დავების ალტერნატიული გადაწყვეტის ორგანოებში. ფირმა კონსულტაციას უწევს ბიზნესებს, საფინანსო ინსტიტუტებს, ინვესტორებსა და კერძო პირებს სასამართლო დავების, ადგილობრივი და საერთაშორისო არბიტრაჟის, გადაწყვეტილებათა აღსრულების პროცედურებისა და დავების თავიდან აცილების სტრატეგიების მიმართულებით.
სასამართლო და საარბიტრაჟო წარმომადგენლობის გარდა, BLC მხარს უჭერს კლიენტებს მოლაპარაკებების, მედიაციისა და ადმინისტრაციული წარმოების პროცესში, რითაც ეხმარება მათ სამართლებრივი რისკების მართვასა და კომერციულად მომგებიანი შედეგების მიღწევაში.
ჩვენი გამოცდილების ძირითადი მიმართულებებია:
- კომერციული და კორპორაციული დავები
- საქმისწარმოება საქართველოს სასამართლოებში
- ადგილობრივი და საერთაშორისო კომერციული არბიტრაჟი
- საინვესტიციო არბიტრაჟი
- მოლაპარაკებები და მედიაცია
- მარეგულირებელი და ადმინისტრაციული წარმოება
- გადაწყვეტილებათა აღსრულება და უზრუნველყოფის ღონისძიებები