ანა გაგნიძე

ანა გაგნიძე არის იურიდიული ფირმა „ბიელსის“ უმცროსი იურისტი. მისი პრაქტიკა მოიცავს კორპორაციულ და კომერციულ სამართალს, საიმიგრაციო სამართალს, სამოქალაქო და ადმინისტრაციულ დავებს, ასევე პერსონალურ მონაცემთა დაცვის სამართალს.

ანა ადგილობრივ და საერთაშორისო კლიენტებს უწევს სამართლებრივ დახმარებას კორპორაციული, კომერციული და მარეგულირებელი სამართლის საკითხებზე, მათ შორის წილის ნასყიდობის ტრანზაქციების, კორპორაციული რეორგანიზაციების, კომერციული ხელშეკრულებებისა და მარეგულირებელ მოთხოვნებთან შესაბამისობის მიმართულებით. იგი ასევე უწევს კონსულტაციას კომპანიებსა და ფიზიკურ პირებს საქართველოს საიმიგრაციო სამართლის საკითხებზე, მათ შორის ბინადრობისა და შრომითი საქმიანობის უფლებებისა და შესაბამისი ადმინისტრაციული წარმოებების ფარგლებში.

ანა მონაწილეობს კლიენტების წარმომადგენლობაში სამოქალაქო, კორპორაციულ და ადმინისტრაციულ დავებში სარჩელების, შუამდგომლობების, საჩივრების, სამართლებრივი დასკვნებისა და სხვა საპროცესო დოკუმენტების მომზადების გზით. იგი ასევე კონსულტაციას უწევს კლიენტებს პერსონალურ მონაცემთა დაცვის საკითხებზე, მათ შორის პერსონალური მონაცემების საერთაშორისო გადაცემისა და სახელმწიფო აუდიტის სამსახურის წინაშე ნებართვების მიღების პროცესში.

ანა იურიდიულ ფირმა „ბიელსის“ 2023 წელს სტაჟიორის პოზიციაზე შეუერთდა და 2026 წლის თებერვლიდან უმცროსი იურისტის პოზიციას იკავებს. იურიდიულ კომპანია ბიელსიში შემოერთებამდე ანა მუშაობდა „საქართველოს დემოკრატიული ინიციატივის“ (GDI) საერთაშორისო სამართალწარმოების გუნდში და მონაწილეობდა ადამიანის უფლებათა ევროპულ სასამართლოში (ECtHR) წარსადგენი სამართლებრივი დოკუმენტების მომზადებაში.

ანამ 2024 წელს თბილისის თავისუფალი უნივერსიტეტის სამართლის სკოლის სამართლის ბაკალავრის ხარისხი მიიღო. სწავლის პერიოდში იგი მონაწილეობდა არაერთ ეროვნულ და საერთაშორისო იმიტირებულ სასამართლო პროცესში, მათ შორის Jean-Pictet Competition-ის 43-ე კონკურსის საერთაშორისო ეტაპზე, რომელიც ბელგიაში გაიმართა.